Trajtimi i ngërçeve të këmbëve gjatë natës me glicerinë

Ngërçet janë kontraktime të forta dhe të dhimbshme të muskujve që shfaqen papritur dhe zgjasin nga disa sekonda deri në disa minuta

Zakonisht ndodhin në këmbë dhe mund të ndodhin në çdo kohë të ditës.

Shpesh ndodhin si pasojë e mungesës së mineraleve dhe vitaminave në trup, transmeton Telegrafi.

Nëse ngërçet shfaqen shumë rrallë, nuk keni asgjë për t’u shqetësuar, por nëse ato shfaqen shpesh, spontanisht, edhe kur jeni në qetësi, është e nevojshme të përcaktohet shkaku i shfaqjes së tyre dhe të merren masa të caktuara.

A e dini se glicerina e thjeshtë mund të jetë shumë e dobishme nëse keni ngërçe në këmbë?

Blini një shishe glicerinë në barnatore dhe fërkojeni në muskujt e këmbëve, si kur aplikoni qumësht për trup. Fërkoni glicerinën me lëvizje të lehta, më pas shtrihuni për të fjetur gjumë.

Falë glicerinës, ngërçet nuk do t’ju shqetësojnë gjatë natës dhe lëkura juaj do të jetë e butë.

Glicerina është mënyra më e thjeshtë për të lehtësuar ngërçet gjatë natës në këmbë për këdo që vuan prej saj.

Këshillë plus: Çfarë duhet të bëni kur keni dhimbje në këmbë?

Për të hequr qafe dhimbjen, bëni si më poshtë:

Kur shfaqet një spazëm në pulpat e këmbës, përpiquni të kapni me dorë dhe t’i tërhiqni fort drejt jush. Pavarësisht dhimbjes në këmbë, përpiquni ta mbani në atë pozicion. Në të njëjtën kohë, masazhoni muskulin me dorë. Dhimbja do të kalojë shpejt.

Njerëzit e prirur ndaj ngërçeve të këmbëve duhet të ushtrojnë rregullisht këmbët duke u shtrirë gjatë ditës, gjë që relakson fibrat e muskujve dhe parandalon ngërçet.

Terapia duhet të kufizohet në parandalimin e lodhjes së tepërt, zëvendësimin e lëngjeve dhe elektroliteve dhe ushqimin adekuat. Marrja e magnezit lehtëson dhimbjen sepse ndihmon në relaksimin e menjëhershëm dhe afatgjatë të muskujve.