Kalaja e Zharës në fshatin Dukaj, Tepelenë

Kalaja e Zharës në fshatinn Dukaj, Tepelenë
Kjo kala ngrihet në majën e kodrës shkëmbore me të njëjtin emër dhe me lartësi 310 m. Kodra ndodhet
në perëndim të qytetit të Tepelenës në anën e majtë të luginës së Vjosës dhe duke u zgjatur nga jugu
në veri merr formën e hundës. Nga ky pozicion mund të kontrollohen rrugët që kalojnë në këtë anë te
luginës së Vjosës. I pari që e ka vizituar kalanë e Zharrës ka qënë Pouqueville, sipas të cilit kjo kala
është vepër e latinëve, më pas është vizituar dhe përmendur nga H. Holland. Nga arkeologët shqiptar
ka qëne H. Ceka i pari që e ka vizituar, ka përshkruar gjendjen e rrënojave dhe është shprehur për
kohën e ndërtimit të saj. Më pas në vitin 1963 është bërë një ekspeditë informative, me qëllim njohjen e gjendjes së monumentit. Gërmimet e para në këtë kala janëbërë në vitin 1970. Këto gërmime janë drejtuar nga D. Komata.
Kjo kala i përket periudhës së Antikitetit të Vonë (shek. IV–VI e. sonë) dhe mendohet se mund të jetë një nga fortifikimet e Justinianit I për funksionim ushtarak. Muri ndjek format e relievit të kalasë mbi të cilën është ngritur, duke marrë formën e një elipsi të zgjatur me perimeter 410 m dhe rrethon një sipërfaqe prej 0.8 ha. Ai ndiqet në gjithë gjatësinë e tij edhe pse në disa pjesë është dëmtuar dhe
rrëzuar plotësisht. Lartësia më e madhee tij ështe 2. 8–2.9 m. Trashësia e murit varion nga 1.6 m. në
1.8 m. Për ndërtimin e tij janë përdorur gurë gëlqerorë mesatar, të cilët janë të punuar ose të pa punuar
dhe me forma dhe përmasa të ndryshme. Përmasat më të zakonshme të gurëve janë: 0.26 x 0.13 m ;
0.24 x 0.22 m; 0.28 x 0. 26 m; 0. 42 x 0.29 m dhe 0. 45 x 0. 40 m. Muri rrethues është i përforcuar me
tre kulla, të cilat ndodhen të vendosura njëra në anën veriore të fortifikimit, njëra në anën verilindore dhe kulla e fundit ndodhet në anën jugore. Dy prej kullave kanë formë katrore, ndërsa kulla në anën jugore ka formë rrethore e cila është edhe më mirë e ruajtur. Hyrja për në kala ndodhet në anën lindore. Përveç elementëve të fortifikimit, në këtë kala është zbuluar edhe një sterë uji në br
endësi të saj. Stera ndodhet rreth 20 m larg hyrjes dhe ka përmasa 12.80 m gjatësia, 3.40 m gjerësi dhe 3 m
thellësi. /Monuments of Albania

postbck postbck

Recent Posts

Si e ruajti Thimi Mitko folklorin kombëtar

ELSA SAKA/ Thimi Mitko, një nga figurat më të ndritura të Rilindjes sonë Kombëtare, lindi…

13 hours ago

Mizat nuk do të hyjnë në shtëpi nëse vendosni në dritare këtë produkt kuzhine

Ditët e verës, sado të mirëpritura të jenë, shpesh sjellin me vete edhe vizitorë të…

13 hours ago

Si ta ndaloni dhimbjen e veshit në kushte shtëpiake?

  Infeksionet e veshit mund të jenë shumë të dhimbshme dhe të pakëndshme, si për…

16 hours ago

Si e mbron zemrën vaji i ullirit

  Kur njeriu ushqehet, në gjakun e tij rritet niveli i një proteine që njihet…

16 hours ago

Veprat e artit, BE e SHBA destinacionet e trafikut, Arkeologët: Trafiku i tyre është bërë më i sofistikuar

Statujat, artefaktet, monedhat e lashta janë kryesisht objektet që vijojnë të trafikohen në Shqipëri. Destinacionet…

2 days ago