<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Kisha e Tuzit tue u ndertue, vjeti 1936

Kronika në fjalë na dëshmon, se: “Famullia e Tuzit” rrjedh nga famullia e Vuksanlekajve, e shkatërrueme (kisha e qela) në vjetin 1918, nga komitet serbo-malazeze, ashtu si dhe kisha e Traboinit.
Me themelimin e famullisë së Tuzit në vjetin 1929, pader Marjan Prelaj erdhi prej Traboinit në Tuz, dhe iu përvesh punës. Pader Marjani ka shkrue në dorëshkrim nji kronologji / historiat / për famullinë e Tuzit, prej të cilës në mes tjerash vlerësoj të shënohet: “Se këto vise kanë kënë të tana të besimit romak – katolik, nuk asht farë dyshimit, tue kenë enè sot gjallë gojëdhânat e popullit, rrenimet e kishave të moçme: Kisha e Sh. Mhillit në Dinoshë, Kisha e Ploçës buzë liqenit, Kishza afer Sukrugjës, Kisha afër Zharnicës në Rrogath, Kisha në Qafë të Kishës, e sa tjera Kishë, që sot nuk njifen.
Më 20.05.1930, u bekue gurthemeli i Kishës kushtue Shna Ndout, me ç’rast ju dergue telegrami Papës Pio XI.
Më 13.06.1931, u organizue proçesioni i parë kushtue Shna Ndout, nëpër Tuz.
Më 13.06.1932, gjatë Meshës ,,Agnus Dei”, në praninë e 1600 vetëve, erdhi kufitari serb që rrinte në karaudhen e Bozhajvet, z. Aleksander Jeremiq, e hyni në kishë. Iu afrue famullitarit, që ishte tue çue Meshë, e nxjerrë pistoletën me e vra, por z. Pjetër Prëtashi Berishaj, nga Gurreci, me nji shpejtsi dhe shkathtsi të madhe, ia kap pistoletën në dorë, e e shtrin për tokë, dhe me ndihmen e tjervet e qesin perjashta. Në nji shkresë të veten, në formë të amanetit, Pjetri, në lidhje me ketë rast, thotë, për vete: “Kjesh i xhdritun prej Zotit e ia kapa levoren pa e ndezë. Mbas apelit të pader Marjanit, populli qetësohet dhe fillon proçesioni, nëpër Tuz.
Me urdhën të Ministrisë së Mbrendshme, nr. 41767, më 15.11.1932, pader Marjanit, i duhet që deri më 21.11.1932, me dalë prej toket jugosllave.
Më 21.11.1932, famullitari pader Marjan Prelaj del prej toket të ish Jugosllavisë për në Shqipni, i percjellun me mall e me vaj prej popullit.
Mbasi që nuk ia mbrrijnë me e vra, e largojnë veç si me pengue që mos të përfundohet ndërtimi i kishës, tue mendue se kur të shkojë ai, s’ka me pasë kush me u ra mrapa punëve.
Mirëpo, mbas largimit të pader Marjanit, për me vazhdue punën në kishë angazhohet maksimalisht z. Pjetër P. Berishaj, i cili për 8 muej rrin në Beograd për me rregullue dokumentata e nevojshme. Pjetri, i cili për ketë kishë qysh në fillim ka dhanë 12.000 dinarë të atëhershëm, punoj 4 vjet me rradhë, në amanetin e tij, veten e quen: “I dyti pader Marjan, për me goditë kishën”.
Duhet theksue se Pader Marjani, përsa i përket Famullisë së Tuzit, ka merita të mëdha: themeloi famullinë, filloi me ndertimin e kishës dhe të kompanjelit, bleu tokë, dhe ngriti nivelin e përshpirtnisë të besimtarëve.
Sot, Malsia nuk mund të paramendohet pa famullinë e Tuzit. Ajo asht qendra e Misionit, famullia ma e madhe në krejt Dioçezin e Tivarit.
Shkruan: P. Pashko Gojçaj, në Monografia e Argjipeshkvisë së Tivarit, Tivar 2017.