<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Si e raportoi BBC betejën e Jasharajve në mars 1998

BBC raportoi më 7 mars 1998 për betejën e Jasharajve.

Rrjeti britanik i transmetimit, BBC, kishte raportuar për betejën e familjes Jashari në pasditen e 7 marsit të vitit 1998, në rënien heroike të komandantit Adem Jashari dhe të familjes së tij në Prekaz.

Shqetësimi ndërkombëtar po rritet në lidhje me luftimet e ashpra në krahinën serbe të Kosovës ku trupat dhe policia serbe luftojnë kundër separatistëve shqiptarë. Autoritetet serbe thonë se ata kanë goditur në zemër të Ushtrisë Çlirimtare të Kosovës (UÇK) dhe kanë vrarë udhëheqësin e tij, Adem Jasharin.

Zyrtarët raportuan se 20 shqiptarë etnikë ishin vrarë së bashku me dy policë ndërsa 30 separatistë janë burgosur. Por numri i saktë e viktimave nuk dihet. Televizioni serb tregoi fotografi të kompleksit të luftëtarëve në shtëpinë e Jasharëve, në fshatin Prekaz, të mbushur me trupa (pa jetë), raportonte BBC, transmeton kallo.com . Ambasadori i Shqipërisë në OKB ka kërkuar një takim urgjent të Këshillit të Sigurimit për të diskutuar veprimin e mundshëm ndërkombëtar për të shmangur gjakderdhjen e mëtejshme, dhe kërcënimin e një lufte të re Ballkanike.

Kosova është një provincë serbe, e vendosur midis Serbisë dhe Shqipërisë, e cila humbi statusin e saj autonom në shpërbërjen e Jugosllavisë një dekadë më parë, 90 për qind e popullsisë përbëhet nga shqiptarë etnikë. Kundërshtimi ndaj sundimit serb kërcënon të ndezë pasionet përtej kufijve të krahinës. Ka pasur shprehje simpatie nga vetë Shqipëria dhe shqiptarët etnikë në Maqedoninë fqinje. Paul Wood i BBC-së, në një raport ekskluziv nga brenda Kosovës, dëshmoi për shtëpitë e pjesëtarëve të dyshuar të UÇK-së që u dogjën ose u shkatërruan me automjete të blinduara. Ishte edhe një dënim dhe një paralajmërim për pjesën tjetër të fshatit.

Serbët thonë se po luftojnë terrorizmin, por Paul Wood thotë se nuk ka nevojë për një operacion ushtarak të kësaj shkalle. Shumë familje po ikin, duke kaluar netët në kodra dhe partia kryesore shqiptare ka akuzuar serbët për kryerjen e një fushate të re të spastrimit etnik. “Ne duhet të ikim”, tha një zonjë fshati. “Është luftë këtu, njerëzit janë duke u vrarë, madje edhe fëmijët dhe askush nuk po bën asgjë”.

Disa në Kosovë besojnë se forcat serbe mund të rigrupohen për të planifikuar një ofensivë tjetër. Shqiptarët etnikë thonë se serbët kanë krijuar heronj midis shqiptarëve dhe nuk kanë arritur të shkatërrojnë UÇK-në. Të tjerë besojnë se UÇK është një organizatë jo e sofistikuar dhe se deri më tani nuk kishte pajisje ushtarake për të nisur një sulm serioz kundër forcave serbe. Por veprimet e dy ditëve të fundit ka të ngjarë të ofrojnë më shumë rekrutë, pasi shqiptarët gjithnjë e më shumë besojnë se e ardhmja e vetme për Kosovën është pavarësia e plotë. UÇK thotë se anëtarët e saj që jetojnë jashtë vendit po kthehen në Kosovë për t’u bashkuar në luftën kundër serbëve.

Serbët thonë se operacioni i tyre i sigurisë ka mbaruar, por për shqiptarët në rajon, terrori vazhdon.

postbck postbck