Lufta e shpendëve për mbijetesë në planetin tokë, shtëpinë tonë të përbashkët

Një grup fotografësh të talentuar nga vende të ndryshme të botës kanë shpenzuar një kohë shumë të gjatë për të realizuar foto të mrekullueshme nga bota e shpendëve. Për disa prej tyre ka qenë një sfidë e vërtetë të ndiqnin për një kohë të konsiderueshme miqtë e tyre të vegjël në mënyrë që të kapnin momentin perfekt. Por në fund rezultatet e punës kanë qenë mahnitëse dhe të gjitha fotot që do të shihni më poshtë janë shpallur fituese për të qenë pjesë e konkursit të fotografive për doracakun e parë për zogj në botë. Në to paraqiten detaje të jetës se llojeve të ndryshme të zogjve, për nga format, ngjyra, mënyra e të ushqyerit, lufta për mbijetesë brenda habitatit të tyre etj.

Instinkti i mbijetesës, përpjekja e vazhdueshme për tu përballur guximshëm me kushtet e, kanë vënë ballas çdo krijesë që jeton në tokë, përfshi këtu edhe shpendët, të cilët ndonse shquhen për disa epërsi dhe karakteristika të veçanta nga të tjerët, ata sërish janë të kërcënuar. Ne të gjithë jemi të kërcënuar. Vetë bota është një vend rreziku. Lufta për mbijetesë është në vetvete një spektakël tragjik. Të gjithë jemi gjahu dhe gjahtari. Të gjithë kemi të varur jetën tonë në varësi të jetës dhe vdekjes së krijesave të tjera. Ky amfiteatër gjaksor nuk është asgjë më shumë e as më pak se sa vetë shtëpia jonë e përbashkët.

Albert VATAJ