Kufiri i çuditshëm mes Suedisë dhe Norvegjisë (FOTO)

Pengesat rrugore që ndajnë Norvegjinë dhe Suedinë mund të duken pothuajse magjepsëse dhe të thjeshta, por ato kanë ndryshuar plotësisht jetën e përditshme të dhjetëra mijëra norvegjezëve dhe suedezëve.

Marrëveshja që u jep të drejtën qytetarëve të vendeve nordike të lëvizin lirshëm brenda rajonit është ndër më të vjetrat e këtij lloji në botë, që daton nga vitet 1950, shkruan Washingtonpost, transmeton Klankosova.

Kufiri ka mbetur i pandryshuar që nga viti 1751 dhe është kufiri më i vjetër dhe një nga kufijtë më të gjatë midis dy vendeve në Evropë.

Disa kalime dhe rrugë të vjetra gjithashtu edhe të ngushta nuk kishin as shenja të vendosura sepse nuk kishte fare nevojë për to.

Deri vitin e kaluar, njerëzit vështirë e kuptonin se kishin kaluar midis dy kombeve , nganjëherë ishte vështirë ta kuptoje se në cilin vend po kaloje.

Mirëpo një tabelë e vogël blu me leximin “Sverige” ishte treguesi i vetëm që norvegjezët kishin se po largoheshin nga vendi i tyre për në Suedi.

Por me qasjen e Suedisë për të luftuar pandeminë e koronavirusit që është dukshëm më e relaksuar se ajo e Norvegjisë, mënyra e vjetër e kufijve është vetëm një kujtim, të paktën tani për tani.

Sot makinat që i afrohen kufirit midis Norvegjisë dhe Suedisë zakonisht hasin në personelin ushtarak, patrullat e policisë ose barrikadat fizike.

Katërmbëdhjetë muaj pas deklarimit të pandemisë, kufizimet e rrepta të udhëtimit norvegjez zbatohen ende përgjatë kufirit më të gjatë se 1000 milje dhe vetëm ata që janë të gatshëm të kalojnë një karantinë 10-ditore mund të kalojnë këtë kufi.

E gjithë kjo ka për tu lehtësuar së shpejti sepse Suedia ka në plan të rihapë kalimet kufitare me shtetet fqinje duke përfshirë Norvegjinë nga e hëna.

Njerëzit janë të ndaluar të pinë kafe me fqinjët e tyre në vendin fqinj ose të festojnë ditëlindje. Për një farë kohe, atyre madje u ndalohej të shkonin në punë.

Të afërmit e ngushtë nuk e kanë parë njëri-tjetrin për më shumë se një vit, çiftet e martuara nuk mund të takohen dhe njerëzit pengohen të marrin pjesë në dasma dhe funerale – të gjitha për shkak të këtyre barrikadave të panevojshme.

Fotografi Adrian Øhrn Johansen është gati të botojë një libër me dokumentacionin e tij të pikave të kalimit kufitar midis vendit të tij të lindjes, Norvegjisë dhe Suedisë.

Libri do të botohet nga botuesi suedez në revistën “Journal”.