Zbulohet manastiri i krishter antik

Arkeologët në Egjipt kanë zbuluar një manastir të lashtë të krishterë me tre kisha, qelinë e murgjve dhe mbishkrime biblike që datojnë rreth 1500 vjet.

Gjetjet në vendin Tal Ganoub Qasr al-Agouz në Oasis Bahariya të Shkretëtirës Perëndimore sjellin një dritë mbi jetën monastike në zonë në shekullin e pestë pas Krishtit, tha ekipi.
“Janë zbuluar disa ndërtesa të bëra me bazalt, të tjera të gdhendura në themel dhe disa të bëra me tulla balte,” tha ministria egjiptiane e antikave.
Kreu i antikiteteve islamike, koptike dhe hebraike të ministrisë, Osama Talaat tha se kompleksi përbëhet nga gjashtë sektorë që përmbajnë rrënojat e tre kishave dhe qelive ‘të murgjve,’ muret e të cilave mbajnë mbishkrime dhe simbole me konotacione koptike.

Duke qenë se sektori i turizmit të Kajros ka pësuar goditje të shumta në vitet e fundit, që nga kryengritja e vitit 2011 dhe me pandeminë e koronavirusit, zyrtarët shpresojnë që zbulimet e fundit arkeologjike do të nxisin vizitat në rajon.

Në Shkurt, u njoftua se një fabrikë birre me prodhim të lartë që besohej të ishte më shumë se 5,000 vjet e vjetër u zbulua në jug të vendit. Gjithashtu muajin e kaluar, një mision arkeologjik Egjiptian-Dominikan që punonte pranë Aleksandrisë tha se kishte zbuluar mumie nga rreth 2,000 vjet më parë.
Ndërsa në Janar, zyrtarët egjiptianë zbuluan thesaret e lashta të gjetura në sitin arkeologjik Saqqara në jug të Kajros, përfshirë një sarkofagë mbi 3,000 vjet të vjetër, në një zbulim që egjiptologu Zahi Hawass pretendoi se “rishkruan historinë”.