Shkencëtarët: Njëra anë e planetit tonë po ftohet më shpejt se tjetra

Planeti ynë ka një temperaturë të pabarabartë “trupore”. Një gjysmë e humbet nxehtësinë e saj të brendshme më shpejt se tjetra, vazhdimisht për 400 milionë vitet e fundit, transmeton Gazeta Express.

Humbja e pabarabartë e nxehtësisë është ndoshta trashëgimia e superkontinenteve të zhdukur prej kohësh, kur të gjitha masat e tokës u bashkuan në një dhe ndodheshin vetëm në njërën anë të planetit.

Pangea është emri për një superkontinent që ekzistonte gjatë Paleozoikut dhe Mesozoikut para se kontinentet të ndaheshin dhe të merrnin pamjen e tyre aktuale. Ajo u formua nga pjesët e hershme kontinentale përafërsisht 335 milionë vjet më parë dhe filloi të devijonte 175 milionë vjet më parë.

Ana Paqësore e planetit humbet nxehtësinë më shpejt

Brendësia e Tokës ftohet sepse humbet nxehtësinë më shpejt sesa prodhohet nga proceset e saj të brendshme. Humbja e nxehtësisë ndodh në sipërfaqe dhe ndodh në mënyrë të pabarabartë sepse kore të trasha të kontinenteve sigurojnë izolim të fortë ndërsa fundi i hollë i detit lejon transferim më të shpejtë të nxehtësisë.

Shkencëtarët në Universitetin e Oslos kanë përdorur modele të lëvizjes së kontinenteve dhe pllakave oqeanike gjatë 400 milionë viteve të fundit dhe rindërtuan historinë e humbjes së nxehtësisë nga brendësia e Tokës.

Ata vunë re se humbja e nxehtësisë në të kaluarën ishte mesatarisht 25% më e lartë se sot. Ata gjithashtu zbuluan se ana “Paqësor” e botës, domethënë, ajo që ndodhet në Paqësor, humbi nxehtësinë shumë më shpejt se ana “Afrikane”.