Si të shëroni lëkurën nga aknet, duke përdorur vetëm akull

Akulli zvogëlon ënjtjen duke bërë që enët e gjakut të tkurren, duke zvogëluar kështu ënjtjen dhe duke mpirë dhimbjen.

Kur aknet fillojnë të shfaqen në lëkurën tuaj, kura mund të jetë në frigoriferin tuaj, shkruan lajmi.net.

A e dini se përdorimi i akullit për aknet mund të jetë zgjidhja? Sepse është shumë e lehtë për t’u përdorur dhe nuk kushton fare.

Trajtimi me akull mund të zvogëlojë skuqjen dhe ënjtjen, kështu puçrrat tuaja do të jenë më pak të dhimbshme dhe më pak të dukshme.

Por përdormi i tij ka disa truke, të cilat do të shpjegojmë më poshtë për ju.

Akulli zvogëlon ënjtjen duke bërë që enët e gjakut të tkurren, duke zvogëluar kështu ënjtjen dhe duke mpirë dhimbjen.

Por a do t’i heqë qafe puçrrat përfundimisht? Jo, por sigurisht që mund t’i bëjë ato të duken më të vogla.

Ju mund të mendoni se vendosja e një kubi me akull në puçërr është gjithçka që duhet të bëni.

Por trajtimi nuk është kaq i thjeshtë, fillimisht duhet pak parapërgatitje duke ndjekur këto hapa:

-Pastroni butësisht zonën me një pastrues të butë dhe ujë të ngrohtë.

-Thani lëkurën.

– Mos aplikoni akull direkt në lëkurën tuaj sepse mund ta dëmtoni atë, por mbështilleni akullin me një peshqir, një leckë ose një pëlhurë tjetër.

-Mbajeni akullin në zonën e prekur për 30 deri në 60 sekonda.

Këtë mund ta përsërisni çdo disa minuta.

Puçrrat në fytyrën tuaj janë më të lehtat për tu trajtuar me akull. Por një shpërthim më i madh në gjoks ose në shpinë mund të kërkojë një qasje më agresive.

Një qese plastike e mbushur me akull, një kompresë akulli apo edhe një qese me perime të ngrira mund të funksionojë në zona më të mëdha.

Mos harroni se jo të gjitha puçrrat shkaktojnë inflamacion. Pikat e bardha dhe pikat e zeza nuk do t’i përgjigjen trajtimit me akull.

Nëse keni këto lloje puçrrash, pastrimet e fytyrës dhe pomadat janë një opsion më i mirë.

I vetmi efekt anësor për të cilin duhet të shqetësoheni është ngrirja. Shmangeni atë duke mbështjellë akullin me një peshqir ose një copë tjetër.

Nëse copa është shumë e hollë, akulli mund të ketë përsëri shumë kontakt me lëkurën tuaj, prandaj bëni kujdes.

Duhet të ndihet freskia e akullit në lëkurë por lëkura nuk duhet të pësojë djegie prej tij.

Intervalet e mbajtjes së akullit duhet të jenë 30-60 sekonda, nëse e mbani për një kohë më të gjatë mund të dëmtoni lëkurën tuaj.