<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Mesazhi “i fshehtë” i logove të famshme të cilin nuk e keni vërejtur kurrë!

Duket se disa prej logove më të famshme në botë u dizajnuan pikërisht për të treguar diçka më shumë se thjeshtë bukurinë e tyre. Në fakt, duket se në disa raste, çdo vijë, lakim dhe ngjyrë ka një kuptim prapa.

Këto janë logot që kanë kuptime të fshehura të cilat nuk i kenë vërejtur kurrë. Interesante!

Hyundai

Shumë njerëz mendojnë se logoja e Hyundai është thjeshtë shkronja e parë e emrit të kompanisë jug-koreane. Por në fakt, shkronja “H” simbolizon dy njerëz (një klient dhe një përfaqësues të kompanisë) duke shtrënguar duart, shkruan Gazeta Express.

Adidas

Emri Adidas rrjedhë nga themeluesi i saj, Adolf Dassler. Logoja e kompanisë ka ndryshuar disa herë, por gjithmonë ka përfshirë tri vija të trasha. Konfigurimi aktual është tri vija në një kënd që së bashku formojnë një trekëndësh. Kjo simbolizon një mal, i cili përfaqëson sfidat me të cilat përballen të gjithë sportistët.

Apple

Rob Yanov, dizajneri që erdhi me idenë e logos së famshme të Apple, ka shpjeguar se si i erdhi ideja për ta bërë këtë logo: “Bleva disa molla, i vendosa në një enë dhe kalova disa orë duke i vizatuar ato për një javë, në përpjekje për të nxjerrë diçka të thjeshtë. Heqja e një cope të mollës ishte pjesë e eksperimentit, dhe rastësisht vërejta se “bite” (kafshim) tingëllonte njëjtë si termi kompjuterik “byte” (bajt).

Sony Vaio

Dy shkronjat e para të logos së Sony Vaio përbëjnë një dallgë që simbolizon një simbol analog, përderisa dy shkronjat e fundit janë të ngjashme me numrat 1 dhe 0 – kjo, simbolizon një sinjal digjital.

Amazon

Në shikim të parë, logoja e Amazon nuk duket diçka e veçantë. Por ajo u dizajnua me filozofinë që kompania e kishte në mendje. Shigjeta e portokalltë është e njëjtë me një buzëqeshje, dhe me këtë kompania dëshiron që klientët të jenë të kënaqur. Shigjeta shtrihet mes shkronjave A dhe Z, një tregues se kompania shet gjithçka prej A-së deri në Z.

Toyota

Shumë njerëz e kanë krahasuar logon e kompanisë japoneze Toyota me imazhin e një kauboji që ka të veshur një kapelë stereotipikale. Por në fakt ajo përfaqëson imazhin e vrimës së gjilpërës me një fije që kalon nëpër të. Kjo tregon të kaluarën e kompanisë, që dikur prodhonte makina për qepje. Megjithatë, pjesët individuale të logos përcaktojnë emrin e kompanisë.

Formula 1

Nëse shikoni me kujdes në hapësirën e bardhë në mes të shkronjës F dhe vijave të kuqe në logon e Formula 1, ju mund ta vëreni numrin 1. Vijat e kuqe të logos janë gjithashtu edhe një përfaqësim grafik i shpejtësisë së arritur nga veturat e Formula 1.

Beats

Beats, një prodhues i pajisjeve audio me bazë në SHBA, përdorë një logo në të cilën shkronja B duket si një person që ka veshur kufje.

BMW

Shpesh besohet se pjesa qendrore e BMW-së simbolizon fluturat rrotulluese të një aeroplani në përputhje me historinë e hershme të kompanisë në teknologjinë e aviacionit. Por në fakt ajo është thjeshtë pjesë e flamurit Bavarian, zonës në Gjermani ku u themelua kompania.

Logoja e kompanisë së elektronikëve LG është imazhi i stilizuar i fytyrës së një personi. Sipas kompanisë, kjo paraqet aspiratën e saj për të mbajtur lidhje të zakonshme dhe njerëzore me klientët e saj.

Coca-Cola

Në logon e famshme të Coca-Cola, në hapësirën mes shkronjave O dhe L, shihet qartë flamuri danez. Por, kjo është një rastësi e pastër, pasi kompania nuk e ka përdorur këtë kurrë si pjesë të reklamave në vendin skandinav.

postbck postbck